PËRMBLEDHJE EKZEKUTIVE
Shqipëria është e vendosur në rrugën e saj për
anëtarësim në Bashkimin Europian dhe në NATO,
dhe ka ndërmarrë një sërë reformash të nevojshme për t’u afruar sa më shumë me standardet
ndërkombëtare dhe europiane. Modeli europian
i zhvillimit është modeli i një ekonomie të bazuar në njohuritë dhe në shoqërinë e informacionit. Nën këtë shembull dhe atë të Strategjise
së Lisbonës për një Europë elektronike, vendet e
Europës Juglindore nënshkruan në Tetor të vitit
2002 një axhendë të përbashkët eSEE (electronic
South Eastern Europe) duke e parë modernizimin dhe përdorimin e teknologjive te reja, si dhe
mundësitë për zhvillim që ato ofrojnë si një rrugë
të shpejtë zhvillimi.
Shqipëria e ka rikonfirmuar angazhimin e saj për
të ecur drejt rrugës së funksionimit të një ekonomie të bazuar në njohuritë dhe krijimin e një
shoqërie të informacionit, përmes nënshkrimit
në tetor të vitit 2007 të eSEE Agenda+ së bashku me vendet e tjera të Europës Juglindore. Kjo
agendë e përbashkët rajonale u nënshkrua nën
frymën e planit të veprimit të Bashkimit Europian
i2010 për shoqërinë e Informacionit. Angazhimet e marra në këto dy dokumenta përbëjnë
një sfidë të madhe për Shqipërinë, nëse marrim
parasysh gjendjen aktuale të zhvillimit të sektorit
të teknologjisë së informacionit dhe komunikimit
(TIK) në Shqipëri.
Ky dokument bazohet në Strategjinë Kombëtare për TIK të miratuar me VKM Nr. 216 datë
10.4.2003, e cila përfshinte 14 objektiva dhe
kishte përcaktuar disa masa prioritare për të bërë
të mundur zhvillimin e TIK në Shqipëri. Një pjesë
e këtyre objektivave ende nuk janë realizuar, duke
sjellë nevojën e hartimit të një strategjie të re që i
përgjigjet më mirë nevojave dhe realitetit.
Në vitet e fundit është bërë një progres i
ndjeshëm, në drejtim të qeverisjes elektronike,
lehtësimit të biznesit përmes kryerjes së shërbimeve on-line, reformave të ndërmarra në
kuadër të përmirësimit të regjimit rregullator, si
regjistrimi i biznesit përmes ngritjes së Qendrës
Kombëtare të Rregjistrimit, në drejtim të edukimit përmes krijimit të kabineteve të informatikës nëpër shkolla, informatizimit të shërbimeve
në dogana e tatime. Po kështu është rritur edhe
ndërgjegjesimi për përfitimet nga teknologjia e
informacionit dhe shkalla e përdorimit të internetit nga bizneset dhe qytetaret sidomos për
brezin e ri.
Strategjia Ndërsektoriale për Shoqërinë e Informacionit 2008-2013, mbështetet në modelet
dhe praktikat më të mira europiane, përsa i përket objektivave dhe zgjidhjeve të parashikuara,
gjithnjë duke marrë në konsideratë karakteristikat specifike të shoqërisë dhe ekonomisë shqip-
S t r a t e g j i a N d ë r s e k t o r i a l p ë r S h o q ë r i n ë e In f o r m a c i o n i t