Burimet e financimit, Monitorimi dhe vlerësimi 4.1 Burimet e financimit Buxhetimi dhe financimi duhet të bëhet përmes burimeve të vazhdueshme të financimit. Këto fonde duhet të sigurohen në mënyra të ndryshme nga qeveria, sektori privat, dhe donatorë të huaj. Planifikimi i aktiviteve të TIK duhet të bëhet në përputhje me SKZHI dhe t’i shërbejnë përmbushjes së objektivave për zhvillimin e shoqërisë së informacionit. Nga secila ministri e linjës/institucion buxhetor përgjegjëse për implementimin e strategjisë, gjatë procesit të planifikimit buxhetor afatmesëm PBA, do të bëhet specifikimi i produkteve, aktiviteteve dhe kostove të tyre për llogari të TIK. Kjo do të bëjë të mundur evidentimin dhe monitorimin e qartë të nivelit real të angazhimit të tyre dhe përmbushjes së objektivave të kësaj strategjie. 4.2 Mekanizmi i implementimit, monitorimit dhe vlerësimit Procesi i implementimit të strategjisë do të realizohet në nivel lokal dhe kombëtar. Në nivel kombëtar, përgjegjësia për implementimin e komponenteve të strategjisë do t’i përkasë ministrive dhe departamenteve përkatëse, ndërsa në nivel lokal përgjegjësia për implementimin do t’i përkasë administratës publike lokale. Në nivel kombëtar, procesi i implementimit të Strategjisë do të udhëhiqet nga Grupi Ndërinstitucional i ngritur me Urdhërin e Kryeminis- trit Nr. 72, të datës 11.6.2008, nën kryesimin e Zëvëndeskryeministrit. Grupi do veprojë në nivel vendimmarrje, ndërkohë nga pikëpamja operacionale AKSHI do të luajë rolin e koordinatorit për zhvillimin e shoqërisë së Informacionit. AKSHI do të bashkëpunoje me të gjitha institucionet e përfshira në grupin ndërinstitucional dhe me institucione të tjera kyçe si Agjencia e Prokurimit Publik, Drejtoria e Përgjithshme e Tatimeve, Drejtoria e Përgjithshme e Arkivave etj. që ftohen të marrin pjesë në grupin ndërinstitucional të punës për implementimin e strategjisë për zhvillimin e shoqërisë së informacionit. Ministritë, departamentet dhe autoritetet lokale do të përcaktojnë personat përgjegjës dhe ndarjen e përgjegjësive për implementimin e TIK në degët pëkatëse. Ministritë përgjegjëse dhe administrata publike lokale do të bashkëpunojnë me shoqërinë civile dhe organizmat privatë. Implementimi i disa aktiviteteve të planit të veprimit të Strategjisë mund t’u delegohen organizatave joqeveritare. Implementimi i proceseve të strategjisë do të monitorohet me anë të një grupi treguesish, gjerësisht të përdorur në vendet e Bashkimit Europian. 4.3 Monitorimi dhe vlerësimi Zhvillimi i një procesi monitorimi dhe vlerësimi i vazhdueshëm i rezultateve të arritura në zhvillimin e shoqërisë së informacionit, është i domosdoshëm për të bërë vlerësimin dhe përcaktimin e politikave në të ardhmen dhe planet strategjike. Në përpunimin dhe vlerësimin e këtyre treguesve do të bashkëpunohet me INSTAT dhe institucio- S t r a t e g j i a N d ë r s e k t o r i a l p ë r S h o q ë r i n ë e In f o r m a c i o n i t 39