Nasonal Cybersekuriti Polisi
1
Introdaksen
1.1
Nasonal Cybersekuriti Polisi ia (Polisi) hemi aotlaenem ol Gol, ol Polisi
mo ol Objektiv blong Ripablik blong Vanuatu blong inkrisim seifti mo
sekuriti konsenem yus blong infomeisen mo komunikeisen teknoloji
(ICT).
1.2
Polisi hemi givim patikula atensen long Nasonal ICT Polisi, spesieli
praeoriti 7.1 we hemi identifaem ol prinsipol wetem Bilding Trast (
Mitigating Risk mo Tret long ICT Divelopmen). Hemi riflektem tu eim
blong Milenium Divelopmen Gol, we i kamaot long ol rikomendeisen
we i stap long ol Faenol Akt blong ITU Plenipotensieri konferens
(Guadalajara, 2010), ITU Globol Cybersekuriti Ajenda mo ol risal blong
wok blong ICB4PAC projekt konsenem polisi mo legislesen blong
Pasifik Aelan.
1.3
Wan malti stekholda grup we Praem Minista hemi bin apoentem long
Disemba 2012 hemi bin divelopem polisi ia. Oli holem fes miting
long eli manis blong februari 2013 mo sins long taem ia oli bin mit 4
taem. Antap long ol diskasen bitwin ol memba blong ol woking grup,
ol nasonal, rijenol mo intenasonal ekspet oli inisietem ol diskasen
inkludim open stekholda konsaltesen.
1.4
Nasonal Cybersekuriti Stering Komiti (NCSC) we DG we hemi
risponsibol long ICT hemi hedem, hem nao hemi kodinetem
implimentesen blong Polisi. NCSC hemi tekem tugeta pablik mo
praevet ripresentetiv ( inkludim ol non-profit oganaesesen). Anex A
hemi putumaot ol Tem mo Riferens blong NCSC.
1.5
DG blong wanwan Ministri bae hemi risponsibol blong divelopem ol
aksen plan blong ajivim ol objektiv we i stap long Polisi ia.
1.6
NCSC bae hemi priperem ol Anuol Ripot long progres blong
implimentem Polisi ia.
Nasonal Cybersekuriti Polisi — Bislama versen
31