GOVERNMENT GAZETTE, 28 NOVEMBER 2019 No. 42866   41 Ino 8 ka 2019 nguMthetho Wokukhuselwa Kweziseko Ezibalulekileyo Ezingundoqo, ka-2019 41 (c) kukho utshintsho oluchaphazela ukukwazi kweziseko ezibalulekileyo ezingundoqo okanye ukukwazi komntu ophetheyo kwiziseko ezibalulekileyo ezingundoqo ukuba afeze okufunwa ngulo Mthetho. (3) Emva kokuba eqwalasele isaziso esixelwe kwisiqendwana (2), uMkomishinala Wezwelonke unokuthi enze isiphakamiso kuMphathiswa sokukurhoxisa ukubhengezwa kweziseko njengeziseko ezibalulekileyo ezingundoqo, ukuba— (a) kukho utshintsho oluxelwe kwisiqendwana (2); (b) ezo ziseko zabhengezwa njengeziseko ngenxa yengcombolo engachananga okanye ebubuxoki; okanye (c) umntu ophetheyo kwiziseko ezibalulekileyo ezingundoqo uyoyisakala ukwenza okufunwa— (i) ngumqathango wesibhengezo; okanye (ii) ngulo Mthetho. (4) Emva kokuba esiqwalasele isiphakamiso soMkomishinala Wezwelonke, uMphathiswa unokuthi asirhoxise isibhengezo esibhengeza iziseko njengeziseko ezibalulekileyo ezingundoqo, ekwenza oko ekususela nakweyiphi na into exelwe kwisiqendwana (3). (5) Ngaphambi kokuba arhoxise isibhengezo esibhengeza iziseko njengeziseko ezibalulekileyo ezingundoqo ngokwesiqendwana (4), uMphathiswa— (a) makanike umntu ophetheyo kwezo ziseko zibalulekileyo isaziso esibhaliweyo sokuba uceba ukusirhoxisa isibhengezo; (b) makanike umntu ophetheyo kwezo ziseko zibalulekileyo ithuba lokutsho afuna ukukutsho ngokubhala zingekapheli iintsuku ezingama-30 exela ukuba kungani singafanele sirhoxiswe isibhengezo esibhengeza iziseko njengeziseko ezibalulekileyo ezingundoqo; aze (c) akuqwalaselisise oko kuthe kwatshiwo kunye nezibakala eziphathelele kulo mbandela. (6) (a) UMphathiswa makazise umntu ophetheyo kwezo ziseko zibalulekileyo, ngokumbhalela, emazisa ngesigqibo esithatyathiweyo ngokwesi siqendu, aze, ukuba isibhengezo siyarhoxiswa, axele izizathu zokurhoxiswa kwaso nomhla okuqala ngawo ukurhoxiswa kwaso. (b) Isaziso esixelwe kwisiqendu (a) makasinikwe esandleni umntu ophetheyo kwiziseko ezibalulekileyo ezingundoqo, esinikwa lipolisa, ngendlela emiselweyo. (7) Xa sirhoxiswa isibhengezo sokuba iziseko ziziziseko ezibalulekileyo ezingundoqo njengoko kuxelwe kwisiqendwana (4), umntu ophetheyo kwezo ziseko zibalulekileyo— (a) makazinike ipolisa zonke iziqinisekiso zesibhengezo, ezinika ipolisa elizise isaziso esixelwe kwisiqendwana (6), elinika zonke iziqinisekiso kwaoko esakunikwa isaziso; okanye (b) azibuyisele zonke iziqinisekiso kuMphathiswa xa kuphela isibhengezo ngendlela exelwe kwisiqendwana (1)(a), ekwenza oko zingekapheli iintsuku ezisixhenxe siphelile. (8) Ipolisa ekuthethwe ngalo kwisiqendwana (6)(b) malizinike uMphathiswa iziqinisekiso ezixelwe kwisiqendwana (7)(a). ISAHLUKO 4 5 10 15 20 25 30 35 40 45 AMAGUNYA ABANTU ABAPHETHEYO KWIZISEKO EZIBALULEKILEYO EZINGUNDOQO NEMISEBENZI YABO Amagunya omntu ophetheyo kwiziseko ezibalulekileyo ezingundoqo nemisebenzi yakhe 24. (1) Esakufumana isaziso ekuthethwe ngaso kwisiqendu 20(2), umntu ophetheyo 50 kwiziseko ezibalulekileyo ezingundoqo makathi, ngokulawulwa sisiqendwana (4), athabathe amanyathelo ayimfuneko okukhusela ezo ziseko zibalulekileyo ngeendleko zakhe. (2) Umntu ophetheyo kwiziseko ezibalulekileyo ezingundoqo eziphantsi kwegunya lesebe likarhulumente okanye elinye icandelo likarhulumente makathabathe 55 amanyathelo okuqinisekisa ukuba ezo ziseko ezibalulekileyo ezingundoqo ziyakhuselwa ngabaqeshwa belo sebe likarhulumente okanye belo candelo likarhulumente. This gazette is also available free online at www.gpwonline.co.za