2. Kundërmasat ndërmerren nga organet publike, operatorët e infrastrukturës kritike të informacionit dhe operatorët e infrastrukturës së rëndësishme të informacionit. Personi përgjegjës në cilësinë e pikës së kontaktit informon menjëherë Autoritetin për zbatimin e kundërmasave dhe rezultatin e tyre. 3. Autoriteti, në zbatim të këtij neni, përcakton kundërmasat, me qëllim zgjidhjen e incidentit kibernetik të sigurisë dhe detyrat e personave përgjegjës. Neni 17 Masat mbrojtëse të natyrës së përgjithshme 1. Masat mbrojtëse të natyrës së përgjithshme janë masat e bazuara në një analizë të incidenteve të sigurisë kibernetike, tashmë të zgjidhura, me qëllim rritjen e mbrojtjes së sistemeve të informacionit, ose shërbimeve, ose rrjeteve të komunikimit elektronik. 2. Operatorët e infrastrukturës kritike të informacionit dhe operatorët e infrastrukturës së rëndësishme të informacionit janë të detyruar të marrin masa mbrojtëse të natyrës së përgjithshme. 3. Operatorët e infrastrukturës kritike të informacionit dhe operatorët e infrastrukturës së rëndësishme të informacionit njoftohen për nxjerrjen e masave të natyrës së përgjithshme përmes pikave të kontaktit. 4. Autoriteti nxjerr rregullore për masat mbrojtëse të natyrës së përgjithshme, të cilat publikohen në faqet e internetit të Autoritetit. Neni 18 Pikat e kontaktit 1. Operatorët e infrastrukturës kritike të informacionit dhe operatorët e infrastrukturës së rëndësishme të informacionit caktojnë pikat e kontaktit, sipas përcaktimeve në këtë ligj. Në të dhënat për pikat e kontaktit përfshihen: a) për personat juridikë: emri, adresa e selisë, numri i identifikimit (NIPT) të personit juridik ose numri i ngjashëm, i caktuar jashtë vendit, dhe të dhënat e personit të kontaktit që është i autorizuar të veprojë në emër të tij; b) për personat juridikë publikë: emri, adresa e selisë, numri i regjistrimit (NIPT) dhe të dhënat e personit t�� kontaktit që është i autorizuar të veprojë në emër të tij. 2. Ndryshimet në të dhënat e pikave të kontaktit i komunikohen Autoritetit nga operatorët e infrastrukturës kritike të informacionit dhe operatorët e infrastrukturës së rëndësishme të informacionit brenda 7 ditëve kalendarike. 3. Autoriteti mban regjistrin elektronik të pikave të kontaktit me të dhënat e përcaktuara në pikën 1 të këtij neni. 4. Subjektet përgjegjëse, të përcaktuara në nenin 7, të këtij ligji, janë të detyruara të njoftojnë të dhënat e kontaktit brenda 3 muajve nga data e miratimit të këtij ligji. KREU IV GJENDJA E KRIZËS KIBERNETIKE Neni 19 Kriza kibernetike 7