Ol Gol GOL 1 Divelopem ol neseseri oganaesesenol strakja Polisi Stetmen: Bae oli promotem eksisting oganaesesenol strakja insaed long kaontri, bae oli krietem wan Nasonal Kompiuta Emejensi Rispons Tim (CERT) mo bae oli mekem i kam strong moa koperesen wetem ol rijenol oganaesesenol strakja olsem we bae oli asesem PAC CERT. Ol objektiv blong Gol 1 hemi: Objektiv 1 Krietem wan Nasonal Cybersekuriti Stering Komiti ( NCSC) we DG we hemi risponsibol long ICT hemi hedem. NCSC bae hemi tekem ovarol lid long kodinesen blong implimentesen blong Cybersekuriti polisi mo proses blong karemaot ol neseseri wok. Objektiv 2 Identifaem evri eksisting gavman mo non-gavman institusen we oli aktiv naoia long fil blong Cybersekuriti mo faet akensem Cyberkraem. Oli shud givim spesol atensen long identifikeisen blong ol potensol lokol poen blong kontakt long ol rurol eria. Drafting blong wan ripot abaot mandet, risos mo eksperiens mo analisis blong ol potensol eria blong synerji, ovalaping mo gap. Objektiv 3 Identifaem ol lokol kontakt poen long ol rurol eria we oli save fasilitetem koleksen blong input abaot risent divelopmen mo tu blong pasem infomeisen long ol komuniti. Insaed long proses ia oli save konsiderem pablik praevet patnasip aproj. Objektiv 4 Establismen blong wan Nasonal Kompiuta Emejensi Rispons Tim (CERT) we hemi save dil wetem ol stret Cybersekuriti tret blong ol sitisen, turis, bisnis mo gavman long Vanuatu. CERT hemi save provaedem tu kompiuta forensic sevis insaed long ol kriminol investigesen we hemi involvem kompiuta teknoloji o elektronik evidens. Antap long hem CERT hemi shud risponsibol blong moniterem ol divelopmen mo meksua se infomeisen abaot karent trend mo risk ( olsem Vanuatu spesifik phishing atak o detensen blong skiming divaes long kaontri) oli komuniket tru long ol difren janel. Insaed long divelopmen blong nasonal CERT, wan posibol sabkontrakt blong ol sevis blong ol rijenol oganaesesen olsem se oli shud evaluetem PacCERT. Nasonal Cybersekuriti Polisi — Bislama versen 33