GOVERNMENT GAZETTE, 28 NOVEMBER 2019 No. 42866   21 Ino 8 ka 2019 nguMthetho Wokukhuselwa Kweziseko Ezibalulekileyo Ezingundoqo, ka-2019 21 ICandelo B Ukulawulwa kwalo Mthetho Imisebenzi yoMkomishinala Wezwelonke 9. (1) UMkomishinala Wezwelonke— (a) makamisele aze alondoloze iinkqubo zokusetyenziswa kwalo Mthetho neendlela eziyimfuneko zokuwunyanzelisa; (b) makaxhase iBhunga Leziseko ezibalulekileyo ezingundoqo noMphathiswa ekusetyenzisweni kwalo Mthetho; kananjalo (c) enze kubekho intsebenziswano phakathi kweNkonzo YamaPolisa YoMzantsiAfrika namanye amacandelo karhulumente neenkamnpani ezizimeleyo ekukhuselweni kweziseko ezibalulekileyo ezingundoqo. (2) Imisebenzi yoMkomishinala Wezwelonke kukuthi gqi nemigaqo efanayo, nezikhokelo neendlela zokwenza izinto emazivunywe liBhunga malunga— (a) nendlela— (i) ezinokuthi ziqondwe ngayo iziseko ezibalulekileyo ezingundoqo zize zibhengezwe njengezibalulekileyo; (ii) okunokuthi ukuphononongwa kokukhuseleka kweziseko ezibalulekileyo ezingundoqo elizweni kuqhutywe ngayo kuze kulungelelaniswe phakathi kwamasebe karhulumente; (iii) enokuthi ngayo ingcombolo enokuba nento yokwenza nokukhuselwa kweziseko ezibalulekileyo ezingundoqo kuchutyelwane ngayo ngabo babandakanyekileyo; okanye (iv) enokuthi ngayo nayiphi na ikomiti emiselweyo isebenze ize inik’ ingxelo; kananjalo malunga (b) nezakhiwo namacebo okwenza lula ukulungelelaniswa nokuphathwa kweziseko ezibalulekileyo ezingundoqo. (3) UMkomishinala Wezwelonke— (a) makaqwalasele izicelo ezivela kumntu ongumphathi wesiseko esibalulekileyo, kusisicelo sokuba eso siseko sibhengezwe njengesiseko esibalulekileyo; (b) makaphonononge okanye enze ukuba kuphononongwe ukhuseleko elizweni lonke lweziseko ezibalulekileyo ezingundoqo okanye lweziseko ezinokuba ziziseko ezibalulekileyo ezingundoqo; (c) makabhekise iziphakamiso kwiBhunga ezingokubhengezwa kwezo ziseko ezibalulekileyo ezingundoqo okanye iziseko ezinokuba zezibalulekileyo nokuhlelwa kwazo ngokodidi; (d) makaphonononge kwaye aqwalasele ngokutsha ukusetyenziswa kwemigaqonkqubo, izikhokelo okanye imithetho yepalamente nokuba nempumelelo kwayo, kuyimigaqo-nkqubo nemithetho yepalamente engokukhuselwa kweziseko ezibalulekileyo ezingundoqo, aze azise iBhunga; (e) makaphonononge kwaye aqwalasele ngokutsha okufunyanisiweyo kukhuseleko lwezwelonke, iingxelo ezingokomelela nokuvunywa kweziseko ezithile njengeziseko ezibalulekileyo ezingundoqo, azise iBhunga; (f) makaqwalasele nawuphi na umgaqo-nkqubo oseluvavanyo okanye isicwangciso esiseluvavanyo esingeniswe kwiofisi yakhe; (g) makakhuphe imiyalelo yokuba maziqhutywe njani iintlanganiso zekomiti emiselweyo; (h) makaqulunqe iingxelo zekota aze azithumele kwiBhunga, ngxelo ezo ubuncinane emazibe— (i) neenkcukacha zezinto ezenziwe yiNkonzo YamaPolisa YoMzantsiAfrika kwikota engaphambili; (ii) neenkcukacha ngenani lezicelo zokubhengezwa kweziseko njengeziseko ezibalulekileyo ezingundoqo; (iii) neenkcukacha zokuba isebe likarhulumente linenxaxheba kangakanani ekusebenzeni kwekomiti; nezokuba (iv) ingakanani intsebenziswano phakathi kukarhulumente namashishini azimeleyo ekusebenzeni kwekomiti. (4) UMkomishinala Wezwelonke unokuthi, ngendlela emiselweyo, acele ukuba ukuba iziseko zikarhulumente zibhengezwe njengeziseko ezibalulekileyo ezingundoqo. This gazette is also available free online at www.gpwonline.co.za 5 10 15 20 25 30 35 40 45 50 55